Ranjit Kasle : बडतर्फ पोलीस अधिकारी रणजीत कासलेच्या साथीदाराला गुजरात पोलिसांची अटक

बीडचा बडतर्फ आणि वादग्रस्त पोलीस अधिकारी (PSI) रणजीत कासलेला गुजरात पोलिसांनी लातूरमधून अटक केली आहे. अटकेनंतर गाडीत बसताना कासलेने, 'बॉसला अटक झालीये, झुकेगा नहीं साला!' अशी 'पुष्पा' चित्रपटातील शैलीत प्रतिक्रिया दिली. गुजरात राज्यातील सुरत येथील घरफोडी प्रकरणातील आरोपींना मदत केल्याचा आरोप कासलेवर आहे. गुजरात पोलिसांचे पथक दोन दिवसांपासून लातूरमध्ये त्याचा शोध घेत होते आणि अखेर मध्यरात्री ही कारवाई करण्यात आली. कासलेवर यापूर्वीच विविध प्रकरणात ७ गुन्हे दाखल असून, हा त्याच्यावरील आठवा गुन्हा असल्याचे सांगितले जात आहे. आपल्या वादग्रस्त वक्तव्यांमुळे आणि सोशल मीडियावरील व्हिडिओंमुळे तो सतत चर्चेत असतो.