Digital Arrest: 'CBI समोर उभं केलं, ७२ लाखांचा घोटाळा झाला', पीडिताने सांगितला फसवणुकीचा प्रकार

नाशिकमध्ये 'डिजिटल अरेस्ट' (Digital Arrest) नावाच्या सायबर गुन्हेगारीमुळे मोठी खळबळ उडाली आहे, ज्यात दोन ज्येष्ठ नागरिकांना तब्बल ६.७२ कोटी रुपयांना फसवण्यात आले. विशेष म्हणजे, या फसवणुकीसाठी सायबर चोरांनी सर्वोच्च न्यायालयाचे न्यायमूर्ती भूषण गवई (Justice Bhushan Gavai) यांच्या नावाचा गैरवापर केला. 'एका व्यक्तीचा फोन आला की तुमचं क्रेडिट कार्ड मिसेस झालं आहे आणि काही दिवसांनी त्यांनी आम्हाला सीबीआय समोर उभं केलं आणि त्याच्यामुळे बहात्तर लाखाचा मोठा घोटाळा झाला,' अशी माहिती एका पीडित व्यक्तीने दिली. या प्रकरणात, भामटे स्वतःला पोलीस, सीबीआय किंवा ईडीचे अधिकारी असल्याचे भासवून व्हिडिओ कॉल करतात आणि लोकांना मनी लाँड्रिंग किंवा ड्रग्स प्रकरणात अडकल्याची भीती दाखवतात. नाशिकमधील एका प्रकरणात ज्येष्ठ नागरिक अनिल लालसरे यांची ७२ लाख रुपयांची फसवणूक झाली, तर दुसऱ्या घटनेत एका नागरिकाला ६ कोटी रुपयांचा फटका बसला. जामीन मिळवून देण्याच्या बहाण्याने आरटीजीएस किंवा यूपीआयद्वारे पैसे उकळले जातात.