Dawood's Property Auction: डॉन दाऊदच्या Ratnagiri मधील मालमत्तांचा ४ नोव्हेंबरला पुन्हा लिलाव, सरकारची मोठी कारवाई

अंडरवर्ल्ड डॉन दाऊद इब्राहिमच्या (Dawood Ibrahim) रत्नागिरीतील (Ratnagiri) मालमत्तांचा पुन्हा एकदा लिलाव होणार आहे. येत्या ४ नोव्हेंबर रोजी खेड तालुक्यातील मुंबके गावातील तीन भूखंडांचा लिलाव केला जाईल, अशी माहिती समोर आली आहे. जानेवारी २०२४ मध्ये झालेल्या लिलावात चारपैकी दोनच मालमत्ता विकल्या गेल्या होत्या, त्यामुळे आता उर्वरित मालमत्तांचा लिलाव केला जात आहे. सफेमा (SAFEMA) कायद्याअंतर्गत जप्त करण्यात आलेल्या या मालमत्तांच्या लिलावातून सरकारला जवळपास २० लाख रुपयांचा महसूल मिळण्याची शक्यता आहे. जानेवारीतील लिलावात वकील अजय श्रीवास्तव यांनी दोन भूखंड खरेदी केले होते, ज्यातील एकासाठी त्यांनी पैसे भरले नाहीत, त्यामुळे तो भूखंडही पुन्हा लिलावात ठेवण्यात आला आहे. या लिलाव प्रक्रियेवर सर्वांचे लक्ष लागले आहे.