INDIA Alliance: स्थानिक निवडणुकीत काँग्रेस मनसेला सोबत घेणार नाही; केवळ इंडिया आघाडीतील पक्षांशीच युती

राज्यात स्थानिक स्वराज्य संस्थांच्या निवडणुकीच्या पार्श्वभूमीवर महाराष्ट्र नवनिर्माण सेनेला (MNS) महाविकास आघाडीत (MVA) सामील करून घेण्याच्या चर्चांना पूर्णविराम मिळाला आहे. 'आमच्यासोबत युतीची काही चर्चाच झाली नसून काँग्रेस नेत्यांनी आपली तोंडं बंद करावीत,' असा थेट पलटवार मनसेने केला आहे. मुंबईत झालेल्या काँग्रेस पदाधिकाऱ्यांच्या बैठकीत मनसेसोबत कोणत्याही परिस्थितीत आघाडी करायची नाही, यावर शिक्कामोर्तब करण्यात आले. केवळ ‘इंडिया’ आघाडीमधील घटक पक्षांसोबतच स्थानिक पातळीवर युती केली जाईल, असे निर्देश जिल्हा काँग्रेस कमिटींना देण्यात आले आहेत. मनसे अध्यक्ष राज ठाकरे (Raj Thackeray) हेच युतीबाबतचे सर्व निर्णय घेतील आणि भाई जगताप (Bhai Jagtap) किंवा हर्षवर्धन पाटील (Harshavardhan Patil) यांना बोलण्याचा अधिकार नाही, असेही मनसेने ठणकावले आहे.