Solapur Floods: 'ही कसली पाहणी?' केंद्रीय पथकाचा अंधारात टॉर्च लावून पाहणीचा फार्स, शेतकरी संतप्त

सोलापूर (Solapur) आणि मराठवाड्यातील (Marathwada) अतिवृष्टीग्रस्त भागाची पाहणी करण्यासाठी केंद्रीय पथक (Central Team) महिनाभरानंतर दाखल झाले. सोलापूरच्या मोहोळ (Mohol) तालुक्यात पथकाने रात्रीच्या अंधारात टॉर्चच्या प्रकाशात पाहणी केल्याने सर्वच स्तरातून तीव्र टीका झाली. 'हा पाहणी दौरा आहे की शेतकऱ्यांची क्रूर चेष्टा?' असा संतप्त सवाल विचारला जात आहे. या टीकेनंतर आज केंद्रीय पथकाने दक्षिण सोलापूर तालुक्यातील कोळे गावात दिवसाउजेडी पाहणी केली. तसेच हत्तूर गावातील आनंदनगर तांड्यावर वाहून गेलेल्या रस्त्याचाही आढावा घेतला. अतिवृष्टी आणि सीना नदीच्या पुरामुळे झालेल्या नुकसानीचा अहवाल हे पथक केंद्राला सादर करणार आहे.