Central Team Visit: टॉर्चच्या प्रकाशात पथकाची पाहणी, Solapur मधील नुकसानीचा अंधारातच पंचनामा?

मराठवाड्यासह (Marathwada) सोलापुरातील (Solapur) अतिवृष्टीग्रस्त भागाची पाहणी करण्यासाठी अखेर केंद्रीय पथक दाखल झालं आहे. धक्कादायक बाब म्हणजे, सोलापूरच्या मोहोळ तालुक्यात सीना नदीमुळे (Sina River) झालेल्या नुकसानीची पाहणी या पथकाने रात्रीच्या अंधारात टॉर्चच्या प्रकाशात केली, त्यामुळे या पाहणीवर प्रश्नचिन्ह निर्माण झाले आहे. महिनाभर उलटल्यानंतर पाहणीसाठी मुहूर्त मिळाल्याने शेतकऱ्यांमध्ये संतापाची भावना आहे. हे पथक आज दक्षिण सोलापूर तालुक्यातील वडकबाळ (Wadakbal), हत्तूर (Hattur) आणि मोहोळ तालुक्यातील शिवणी (Shivni), उत्तर सोलापूर तालुक्यातील तिर्हे (Tirhe) या गावांना भेट देऊन ग्रामस्थांशी संवाद साधणार आहे. सोलापूरचा पाहणी दौरा पूर्ण झाल्यानंतर हे पथक पुढील नुकसानीचा आढावा घेण्यासाठी धाराशिवकडे (Dharashiv) रवाना होईल.