Pawar Land Deal : कुठे आहे शीतल तेजवानी? बावधान पोलीस शीतल तेजवानीचा शोध घेणार

पुण्यातील मुंडवा येथील वादग्रस्त जमीन व्यवहार प्रकरणी उपमुख्यमंत्री अजित पवार यांचे पुत्र पार्थ पवार यांचे नाव समोर आले आहे. या प्रकरणी आता बावडण पोलिसांनी शीतल तेजवानी, दिग्विजय पाटील आणि निलंबित उपनिबंधक रवींद्र तारू या तिघांविरोधात गुन्हा दाखल केला आहे, मात्र एफआयआरमध्ये पार्थ पवार यांचे नाव नाही. 'या प्रकरणाशी माझा थेट किंवा दूरान्वयेही संबंध नाही', असे सांगत उपमुख्यमंत्री अजित पवार यांनी या वादातून स्वतःला दूर केले आहे. हा व्यवहार ४० एकर महार वतन जमिनीचा असून, ज्याची किंमत अंदाजे १८०० कोटी रुपये आहे, तो व्यवहार केवळ ३०० कोटी रुपयांना झाल्याचा आरोप आहे. यामध्ये शासनाचे कोट्यवधी रुपयांचे मुद्रांक शुल्क बुडवून फसवणूक केल्याचा ठपका ठेवण्यात आला आहे. मुख्यमंत्री देवेंद्र फडणवीस यांनी या प्रकरणाला 'गंभीर' म्हटले असून उच्चस्तरीय चौकशीचे आदेश दिले आहेत.