Voter List Row: 'ठाकरेंना फक्त हिंदू, मराठी मतदारच दुबार दिसतात का?'; Ashish Shelar यांचा थेट सवाल

महाराष्ट्रामध्ये दुबार आणि बोगस मतदारांच्या (Bogus Voters) मुद्द्यावरून राजकीय वातावरण तापले आहे. भाजप (BJP) नेते आशिष शेलार (Ashish Shelar), मनसे (MNS) नेते संदीप देशपांडे (Sandeep Deshpande) आणि आमदार रोहित पवार (Rohit Pawar) यांच्यात आरोप-प्रत्यारोपांच्या फैरी झडत आहेत. 'ठाकरेंना मराठी, हिंदू आणि दलित मतदारच दुबार दिसतायत का?', असा परखड सवाल आशिष शेलार यांनी राज ठाकरे (Raj Thackeray) यांना विचारला आहे. शेलार यांनी मतदार यादीतील घोळ निदर्शनास आणताना, एकच नाव पण वेगवेगळे पत्ते, फोटो सारखे पण नावात बदल आणि एकाच व्यक्तीची तीन-तीन वेळा नोंदणी झाल्याचे दावे केले. यावर उत्तर देताना मनसे नेते संदीप देशपांडे यांनी शेलारांवर प्रसिद्धीसाठी आरोप केल्याचे म्हटले आणि 'बोगस मतदार म्हणजे बोगस मतदार, तो ना हिंदू आहे, ना मुस्लिम', असे ठणकावले. तर, आमदार रोहित पवार यांनी दुबार मतदार असल्याचे मान्य केल्याबद्दल शेलारांचे आभार मानत, निवडणूक आयोगाचा भोंगळ कारभार उघड करण्यासाठी संयुक्त पत्रकार परिषदेचे आव्हान दिले आहे.