Mumbai Ward Delimitation : मुंबई मनपाच्या सर्व 227 प्रभाग रचनेस निवडणूक आयोगाकडून मंजुरी

मुंबई महापालिकेच्या सर्व २२७ प्रभाग रचनेस राज्य निवडणूक आयोगाकडून मंजुरी मिळाली आहे. ही अंतिम प्रभाग रचना शासन राजपत्र आणि मुंबई महापालिकेच्या संकेतस्थळावर प्रसिद्ध करण्यात आली आहे. यामुळे महापालिका निवडणुकांच्या अनुषंगाने हे एक महत्त्वाचे पाऊल मानले जात आहे. जानेवारीपर्यंत महापालिका आणि जिल्हा परिषदेच्या निवडणुका घेण्याचे आदेश सर्वोच्च न्यायालयाने दिल्यानंतर या कार्यवाहीला वेग आला आहे. या प्रभाग रचनेसाठी प्राप्त झालेल्या ४९४ हरकती आणि सूचनांचा विचार करण्यात आला आहे. मुंबई महापालिकेच्या २२७ वॉर्डमध्ये साधारणपणे १ कोटी २४ लाख ४२ हजार लोकसंख्या विभागली गेली आहे. ही प्रभाग रचना आता निश्चित झाली असून, यामुळे आगामी महापालिका निवडणुकांचा मार्ग सुकर झाला आहे.