Gopichand Padalkar On Bhigwan Case : भिगवण प्रकरणात मुलीचं स्टेटमेंट हा बनाव- पडळकर

Gopichand Padalkar On Bhigwan Case : भिगवण प्रकरणात मुलीचं स्टेटमेंट हा बनाव- पडळकर

इंदापूर तालुक्यातील भिगवण येथील अपहरण (Kidnapping Case) झालेल्या मुलीला शोधण्यात पोलिसांना अद्यापही यश आले नाही. 17 फेब्रुवारी दुपारी 4 वाजताच्या सुमारास आई आणि भावासोबत गाडीवरून घरी जात असताना मुलीला पळवून नेण्यात आले. त्यानंतर पोलीस ठाण्यात अपहरणाचा गुन्हा नोंद करण्यात आला. घडलेल्या प्रकारानंतर विविध हिंदुत्ववादी संघटना आक्रमक झाल्या. तर काल (18फेब्रुवारी) भिगवण बंदची हाक देण्यात आली. हिंदुत्ववादी संघटनांकडून जन आक्रोश मोर्चा आयोजन देखील करण्यात आलं. त्यानंतर त्या मुलीने मी स्वतःहून निघून आला असल्याचा व्हिडीओ प्रसारित केला आहे. (Bhigwan Kidnapping Case)

Bhigwan Kidnapping Case: घटना घडून 40 तासांहून अधिकचा काळ लोटला, अद्याप तरुणी सापडेना तर दुसरीकडे, आमदार गोपीचंद पडळकर यांनी तिच्यावर दबाव टाकून हा व्हिडीओ बनवला असल्याचा आरोप केलाय. तर लवकरात लवकर पोलिसांनी मुलीला शोधावं, नाहीतर पुन्हा एकदा रस्त्यावर उतरू, असा इशारा आमदार संग्राम जगताप यांनी पोलिसांना दिला. आज 17 फेब्रुवारीला चार वाजल्यापासून पोलिसांची सहा पथक मुलीचा शोध घेत आहे. तर जवळपास 40 तास होत आले तरी मुलीचा शोध पोलिसांना लागला नाही. त्यामुळे आता नागरिकांचा रोष वाढत चालला असून या मुलीला शोधणं हे पोलिसांपुढचं आव्हान असणार आहे.