Bihar Election | बिहार निवडणुकांचे 'Dates' जाहीर, 'Voting' दोन टप्प्यात

अवघ्या देशाचं लक्ष लागून असलेल्या बिहार निवडणुकांच्या तारखा जाहीर झाल्या आहेत. केंद्रीय निवडणूक आयोगाचे प्रमुख ज्ञानेश कुमार यांनी बिहार निवडणुकांचे वेळापत्रक घोषित केले. या निवडणुका दोन टप्प्यात होणार आहेत. पहिल्या टप्प्यात मतदान 6 नोव्हेंबरला होईल, तर दुसऱ्या टप्प्यात मतदान 11 नोव्हेंबरला पार पडेल. या निवडणुकीचा निकाल 14 नोव्हेंबरला जाहीर केला जाईल. संपूर्ण निवडणूक प्रक्रिया 16 नोव्हेंबरपर्यंत समाप्त होईल. उमेदवारी अर्ज दाखल करण्याच्या आणि मागे घेण्याच्या तारखाही निश्चित करण्यात आल्या आहेत. पहिल्या टप्प्यासाठी उमेदवारी अर्ज दाखल करण्याची अंतिम तारीख 17 ऑक्टोबर, तर दुसऱ्या टप्प्यासाठी 20 ऑक्टोबर आहे. अर्ज पडताळणी 18 आणि 21 ऑक्टोबर रोजी होईल. उमेदवारी अर्ज मागे घेण्याची अंतिम तारीख पहिल्या टप्प्यासाठी 20 ऑक्टोबर आणि दुसऱ्या टप्प्यासाठी 23 ऑक्टोबर आहे. आयोगाने शांततापूर्ण आणि पारदर्शक निवडणुका सुनिश्चित करण्याचे आवाहन केले आहे.