Beed Heavy Rain : बीड जिल्ह्यात अतिवृष्टीमुळे 462 जनावरांचा बळी, शेतकऱ्यांना मदतीची अपेक्षा

बीड जिल्ह्यामध्ये चौदा ते सत्तावीस सप्टेंबरच्या दरम्यान झालेल्या अतिवृष्टीमुळे मोठ्या प्रमाणावर नुकसान झाले आहे. या अतिवृष्टीने जिल्ह्यात एकूण चारशे बासष्ठ जनावरांचा बळी घेतला आहे. यामध्ये एकशे छप्पन्न मोठी जनावरे, दोनशे बावीस लहान जनावरे, बत्तीस मोठी ओढकाम करणारी जनावरे आणि बावन्न लहान ओढकाम करणाऱ्या जनावरांचा समावेश आहे. गेवराई तालुक्यात सर्वाधिक जनावरे दगावली आहेत. जनावरांच्या हानीसोबतच एक हजार बत्तीस घरांची पडझड झाली आहे. या मोठ्या नुकसानीमुळे शेतकरी आणि पशुपालक हे गंभीर आर्थिक संकटात सापडले आहेत. आता या बाधित शेतकऱ्यांना आणि पशुपालकांना शासनाकडून तातडीच्या मदतीची अपेक्षा आहे. या नैसर्गिक आपत्तीमुळे जनजीवन विस्कळीत झाले आहे.