Banjara ST Reservation | धाराशिवमध्ये Banjara समाजाचा भव्य मोर्चा, पारंपरिक वेशभूषेत ST आरक्षणाची मागणी

धाराशिवमध्ये Banjara समाजाने आज भव्य मोर्चा काढला. Hyderabad Gazette नुसार ST प्रवर्गातून आरक्षण लागू करण्याची मागणी करण्यात आली. आरक्षण आंदोलनात महिलांनी पारंपरिक वेशभूषा करत सहभाग नोंदवला. अनेक आंदोलनकर्ते साड्यांच्या फांद्यांचा पोशाख करून आले. आपला समाज मागास आहे हे सरकारला दाखविण्यासाठी अशी वेशभूषा केल्याचे आंदोलनकर्त्यांनी सांगितले. आरक्षण देऊन सरकारने न्याय द्यावा अशी मागणी करण्यात आली. हैदराबाद गॅझेटनुसार ST प्रवर्गातून आरक्षण मिळावे यासाठी Banjara समाज रस्त्यावर उतरला आहे. जिजाऊ चौकातून हा मोर्चा सुरू होऊन डॉ. बाबासाहेब आंबेडकर चौकातून पुढे छत्रपती शिवाजी महाराजांना अभिवादन करून जिल्हाधिकारी कार्यालयावर पोहोचला. महाराष्ट्रातील Banjara समाजाला 0.5% आरक्षण देऊन फसवणूक केल्याचे आंदोलनकर्त्यांचे म्हणणे आहे. निजाम प्रशासनाने केलेल्या जनगणनेत Banjara समाजाच्या ST प्रवर्गात नोंदी आहेत. आम्ही आदिवासी आहोत आणि हैदराबाद व तेलंगणा राज्यातील Banjara समाजाला तेथील सरकारने ST प्रवर्गात आरक्षण दिले आहे, त्याच तत्त्वावर महाराष्ट्रातील Banjara समाजाला राज्य सरकारने आणि केंद्र सरकारने ST प्रवर्गात आरक्षण दिले पाहिजे, अशी मागणी करण्यात आली.