Special Report Thackeray Reunion: 'दोन भाऊ एकत्र आले पाहिजे', बाळासाहेबांच्या आठवणींनी बाळा नांदगावकर सेना भवनात भावूक

मनसे नेते बाळा नांदगावकर तब्बल चोवीस वर्षांनी सेना भवनात पोहोचले आणि बाळासाहेब ठाकरे यांच्या आठवणींनी भावूक झाले. आगामी पालिका निवडणुकीच्या पार्श्वभूमीवर, मतदार यादीतील कथित त्रुटींवर चर्चा करण्यासाठी विरोधी पक्षांच्या पत्रकार परिषदेत ते उपस्थित होते. यावेळी बोलताना त्यांनी 'दोन भाऊ एकत्र आले पाहिजे,' अशी भावना व्यक्त करत उद्धव ठाकरे आणि राज ठाकरे यांच्या संभाव्य राजकीय मनोमिलनाचे संकेत दिले. नांदगावकर यांनी सांगितले की, दीपोत्सवावेळीच त्यांनी ही इच्छा व्यक्त केली होती आणि आता ती प्रत्यक्षात येत असल्याचा त्यांना आनंद आहे. दुसरीकडे, लोकसभेप्रमाणेच आता मतदार यादीच्या मुद्द्यावरून भावनिक वातावरण तयार करून चुकीचे नॅरेटिव्ह सेट करण्याचा केविलवाणा प्रयत्न होत असल्याचा आरोपही या पत्रकार परिषदेत करण्यात आला.