Bachchu Kadu PC : बच्चू कडूंचा सरकारला अल्टिमेटम, मागण्या मान्य न झाल्यास रामगिरीवर धडक

शेतकरी नेते बच्चू कडू (Bachchu Kadu) यांच्या नेतृत्वात हजारो शेतकरी ट्रॅक्टर मोर्चा घेऊन नागपुरात (Nagpur) दाखल झाले आहेत. 'आम्ही कापा म्हटलं तर तुम्हाला मिरची लागली, पण रोज जे शेतकरी मरत आहेत त्याचं काहीच वाटत नाही', असा संतप्त सवाल बच्चू कडू यांनी सरकारला विचारला आहे. संपूर्ण कर्जमाफी (Loan Waiver), शेतमालाला हमीभाव (MSP), शक्तीपीठ महामार्ग रद्द करणे आणि दिव्यांगांचे प्रश्न या प्रमुख मागण्यांसाठी हा 'महाएल्गार' पुकारण्यात आला आहे. मुख्यमंत्री देवेंद्र फडणवीस (CM Devendra Fadnavis) यांनी सायंकाळी ४-५ वाजेपर्यंत लेखी निर्णय घ्यावा, अन्यथा थेट मुख्यमंत्र्यांचे निवासस्थान असलेल्या रामगिरीवर (Ramgiri) कूच करण्याचा इशारा कडू यांनी दिला आहे. या आंदोलनात अजित नवले (Ajit Navale), राजू शेट्टी (Raju Shetti) यांच्यासह अनेक शेतकरी संघटना सहभागी झाल्या आहेत.