Bachchu Kadu Morcha : 'लेखी आश्वासन घेतल्याशिवाय मागे हटणार नाही', बच्चू कडूंचा सरकारला थेट इशारा

शेतकऱ्यांच्या संपूर्ण कर्जमाफीसाठी आमदार बच्चू कडू (Bachchu Kadu) यांच्या नेतृत्वात नागपूरकडे (Nagpur) भव्य ट्रॅक्टर मोर्चा काढण्यात येत आहे. या मोर्चात महादेव जानकर (Mahadev Jankar), राजू शेट्टी (Raju Shetti) आणि अजित नवले (Ajit Navale) हे नेतेही सहभागी होणार आहेत. 'लेखी आश्वासन घेतल्याशिवाय मागे हटणार नाही', अशी ठाम भूमिका बच्चू कडू यांनी घेतली आहे. मुख्यमंत्र्यांनी बैठकीचे निमंत्रण दिले असले तरी, कार्यकर्त्यांशी चर्चा करूनच निर्णय घेणार असल्याचे कडू यांनी स्पष्ट केले. यापूर्वी रायगडमधील उपोषणानंतर झालेल्या बैठकीत सरकारने आठ दिवसांत निर्णय घेण्याचे आश्वासन दिले होते, मात्र अनेक महिने उलटूनही निर्णय न झाल्याने बैठकांवरील विश्वास उडाला असल्याचे कडू म्हणाले. महाराष्ट्रात रोज १० ते १५ शेतकरी आत्महत्या करत असून, परिस्थिती गंभीर असल्याचे त्यांनी नमूद केले.