OBC Protest: 'Wadettiwar ओबीसी समाजाची दिशाभूल करत आहेत', बबनराव तायवाडेंचा थेट आरोप

नागपुरात होणाऱ्या ओबीसी मोर्चावरून (OBC morcha in Nagpur) राष्ट्रीय ओबीसी महासंघाचे अध्यक्ष बबनराव तायवाडे (Babanrao Taywade) आणि काँग्रेस नेते विजय वडेट्टीवार (Vijay Wadettiwar) यांच्यात वाद पेटला आहे. 'वडेट्टीवार ओबीसी समाजाची दिशाभूल करत आहेत, आपलं आरक्षण संपलं, असा चुकीचा मेसेज समाजामध्ये देत आहेत', अशी घणाघाती टीका तायवाडे यांनी केली आहे. यावर प्रतिक्रिया देताना, ज्यांना ओबीसींचं हित महत्त्वाचं आहे, त्यांनी मोर्चामध्ये सहभागी व्हावं, असं आवाहन विजय वडेट्टीवार यांनी केलं आहे. नागपुरात नियोजित असलेल्या या मोर्चावरून ओबीसी नेत्यांमध्येच मतभेद असल्याचे चित्र स्पष्ट झाले आहे, ज्यामुळे आरक्षणाच्या मुद्द्यावरून सुरू असलेला वाद आणखी तीव्र होण्याची शक्यता आहे.