Indore Harassment: 'त्यांनी आम्हाला स्पर्श करण्याचा प्रयत्न केला', Australian महिला खेळाडूंचा आरोप; आरोपीला अटक

भारतात सुरू असलेल्या महिला वनडे विश्वचषक (Women's ODI World Cup) स्पर्धेदरम्यान एक धक्कादायक प्रकार समोर आला आहे. इंदूरमध्ये (Indore) ऑस्ट्रेलियाच्या (Australia) दोन महिला क्रिकेटपटूंसोबत एका व्यक्तीने गैरवर्तन केल्याची घटना घडली आहे. 'एका बाईकवरून आलेल्या व्यक्तीनं गैरवर्तन करत त्यांना स्पर्श करण्याचा प्रयत्न केला,' अशी माहिती खेळाडूंनी संघाचे सुरक्षा अधिकारी डॅनी सिमन्स (Danny Simmons) यांना दिली. ही घटना २३ ऑक्टोबर रोजी घडली, जेव्हा दक्षिण आफ्रिकेविरुद्धच्या सामन्यासाठी संघ इंदूरमध्ये होता आणि दोन खेळाडू हॉटेलमधून जवळच्या कॅफेमध्ये जात होत्या. खेळाडूंनी तातडीने सुरक्षा अधिकाऱ्यांना याबाबत माहिती दिल्यानंतर पोलिसांत गुन्हा दाखल करण्यात आला. पोलिसांनी सीसीटीव्ही फुटेजच्या आधारे आरोपी आकील खानला अटक केली आहे. या घटनेमुळे आंतरराष्ट्रीय स्तरावर भारताच्या प्रतिमेला धक्का बसल्याची चर्चा सुरू झाली आहे. दरम्यान, दुसरीकडे चंद्रपूर पूल मार्गावरील केसला घाट परिसरात एक वाघीण दिसल्याची बातमी आहे.