Beed Crime: 'गळ्याला चाकू लावून...'; बीडच्या Wadwani मध्ये लग्नघरावर दरोडा, 11 लाखांचा ऐवज लंपास

बीड (Beed) जिल्ह्यातील वडवणी (Wadwani) तालुक्यात एका लग्नघरावर सशस्त्र दरोडा (Armed Robbery) पडल्याची धक्कादायक घटना समोर आली आहे. बबन मांजरे यांच्या मुलाच्या लग्नाची तयारी सुरू असतानाच हा प्रकार घडला. दरोडेखोरांनी 'गळ्याला चाकू लावून जीवे मारण्याची धमकी दिली'. मध्यरात्रीच्या सुमारास पाच दरोडेखोर घराच्या छतावरून आत घुसले. त्यांनी आधी पुरुष झोपलेल्या खोलीला बाहेरून कडी लावली आणि नंतर महिलांच्या खोलीत प्रवेश केला. महिलांना चाकूचा धाक दाखवून घरातील सोन्याचे दागिने आणि रोख रक्कम असा एकूण अकरा लाखांचा ऐवज चोरट्यांनी लंपास केला. या घटनेमुळे परिसरात भीतीचे वातावरण पसरले असून पोलीस या प्रकरणाचा अधिक तपास करत आहेत.