Mumbai Hostage Crisis: 'हे फेक एन्काउंटर आहे', पोलिसांवर गुन्हा दाखल करा, अॅड. Satpute यांची मागणी

मुंबईतील पवई (Powai) येथे रोहित आर्या (Rohit Arya) याला पोलिसांनी केलेल्या एन्काउंटरवरून (Encounter) वाद निर्माण झाला आहे. अॅडव्होकेट नितीन सातपुते (Advocate Nitin Satpute) यांनी हा बनावट एन्काउंटर असल्याचा आरोप केला आहे. 'पोलिसांनी चर्चेतून मार्ग काढायला हवा होता, प्रसंगी पायावर गोळी मारून त्याला जखमी करून निःशस्त्र करता आलं असतं', असं अॅडव्होकेट सातपुतेंनी म्हटलं आहे. या एन्काउंटरविरोधात न्यायालयात याचिका दाखल करणार असून पोलिसांवर गुन्हा दाखल करण्याची मागणी त्यांनी केली आहे. रोहित आर्या हा दोन तास DCP दत्ता नलावडे (DCP Datta Nalawade) यांच्या संपर्कात होता, त्यामुळे वाटाघाटी करून प्रकरण टाळता आले असते, असे सातपुते यांचे म्हणणे आहे. पोलिसांनी मुलांच्या सुरक्षेसाठी गोळीबार करणे आवश्यक होते असे म्हटले असले तरी, आर्याकडे फक्त एअर गन होती, ज्यामुळे मोठी इजा होऊ शकत नाही, असा दावाही सातपुतेंनी केला आहे.