Police Advisory: 'दिवाळीत फिरायला जाताय?' Social Media वर Status टाकाल तर घर होईल साफ!

दिवाळीच्या (Diwali) सुट्टीत वाढत्या घरफोड्या (Burglaries) टाळण्यासाठी, पोलिसांनी (Police) नागरिकांना सोशल मीडियाच्या (Social Media) वापराबाबत एक महत्त्वाचा सल्ला दिला आहे. 'सुट्ट्यांसाठी बाहेर जात असल्याचा गवगवा सोशल मीडियावर करू नका', असा स्पष्ट इशारा पोलिसांनी दिला आहे. हल्ली अनेकजण आपल्या प्रवासाची आणि प्रत्येक क्षणाची माहिती सोशल मीडियावर शेअर करतात, पण हीच गोष्ट चोरांसाठी घरफोडी करण्याची एक संधी ठरू शकते. तंत्रज्ञानाने सज्ज असलेले चोरटे अशा अपडेट्सवर लक्ष ठेवून असतात आणि घर रिकामे असल्याची खात्री झाल्यावर चोरी करतात. त्यामुळे, बाहेरगावी जाताना मौल्यवान वस्तू बँक लॉकरमध्ये ठेवाव्यात आणि जवळच्या पोलीस स्टेशनला माहिती द्यावी, असे आवाहनही पोलिसांनी केले आहे. सोशल मीडियाचा वापर जबाबदारीने करणे हे प्रत्येकाच्या सुरक्षिततेसाठी आवश्यक आहे, असे ब्युरो रिपोर्टमध्ये म्हटले आहे.