Voter List Fraud: 'बोगस वोटिंगचा बॉम्ब फोडणार', Aaditya Thackeray यांचा Election Commission ला थेट इशारा

ठाकरे गटाचे नेते आदित्य ठाकरे (Aaditya Thackeray) मुंबईतील मतदार याद्यांमधील (Mumbai Voter Lists) घोटाळ्याचा पर्दाफाश करण्याच्या तयारीत आहेत. शिवसेनेच्या (UBT) निर्धार मेळाव्यात ते यासंदर्भात एक सादरीकरण करणार आहेत. 'लवकरच बोगस वोटिंगचा जो बॉम्ब आहे, तो मी सादर करणार आहे,' असे आदित्य ठाकरे यांनी म्हटले आहे. या निर्धार मेळाव्यात, दिल्लीत राहुल गांधींनी (Rahul Gandhi) ज्याप्रमाणे सादरीकरण केले होते, त्याच धर्तीवर मुंबईतील मतदार यादीतील गोंधळाचे सादरीकरण केले जाणार आहे. आगामी महापालिका निवडणुका लक्षात घेता, बोगस मतदानाला आळा घालण्यासाठी कोणती खबरदारी घ्यावी, याबाबतही ते मार्गदर्शन करतील. यापूर्वी मनसे अध्यक्ष राज ठाकरे (Raj Thackeray) यांनीही पत्रकार परिषदेत असेच गंभीर आरोप केले होते. आता आदित्य ठाकरे यांच्या सादरीकरणातून निवडणूक आयोगावर (Election Commission) कोणते नवे आरोप केले जातात आणि कोणते पुरावे सादर केले जातात याकडे सर्वांचे लक्ष लागले आहे.