Arvind Kejriwal on Aap Defeat in Delhi Election : दिल्लीतील पराभवावर अरविंद केजरीवालांची प्रतिक्रिया

Arvind Kejriwal on Aap Defeat in Delhi Election : दिल्लीतील पराभवावर अरविंद केजरीवालांची प्रतिक्रिया ...
दिल्लीच्या विधानसभा निवडणुकीत भाजपने ऐतिहासिक यश संपादन केले आहे. या निवडणुकीत (Delhi Election Results 2025) एकतर्फी विजय मिळवत भाजपने बहुमताचा आकडा ओलांडला आहे. आतापर्यंत हाती आलेल्या माहितीनुसार, दिल्ली विधानसभेच्या एकूण 70 जागांपैकी 48 जागांवर भाजप आघाडीवर आहे. तर 22 जागांवर आम आदमी पक्षाचे (AAP) उमेदवार आघाडीवर आहेत. मात्र, या निवडणुकीत एकेकाळी दिल्लीची सूत्रे हाती असणाऱ्या काँग्रेसला (Congress) एकही जागा मिळू शकलेली नाही. या निवडणुकीत काँग्रेसला मोठ्या विजयाची अपेक्षा होती. मात्र, प्रत्यक्षात त्यांच्या विजयाची पाटी कोरीच राहिली. देशाची राजधानी असलेली दिल्ली काबीज केल्यामुळे भाजपचे (BJP) मनोबल प्रचंड वाढणार आहे. भाजपच्या या विजयामुळे घरघर लागलेल्या काँग्रेसच्या हातातून आणखी एक राज्य गेल्याची चर्चा सुरु आहे. मात्र, दिल्लीतील पराभव काँग्रेसच्यादृष्टीने चिंताजनक असला तरी दुसऱ्या बाजूला त्यामुळे पक्षाला दिल्लीत नवी उभारी मिळण्याच्या आशाही पल्लवित झाल्या आहेत.  दिल्ली विधानसभा निवडणुकीत माजी मुख्यमंत्री अरविंद केजरीवाल आणि उपमुख्यमंत्री मनिष सिसोदिया यांना पराभवाचा धक्का बसला. 'आप'ची दिल्लीतील 10 वर्षांची सत्ता खालसा झाली आहे. त्यामुळे भाजपला मोठे यश मिळाले असले तरी यामुळे काहीप्रमाणात काँग्रेस पक्षाचाही फायदा होणार आहे.