Amravati Doctors Strike | अमरावती सुपर स्पेशालिटी रुग्णालयामध्ये डॉक्टरांचा संप, रुग्णांचे हाल!

अमरावती विभागातील सर्वात मोठ्या Super Specialty Hospital मध्ये अनेक दिवसांपासून शस्त्रक्रिया बंद आहेत. येथील पासष्ठ डॉक्टरांचा अनेक महिन्यांचा पगार थकला आहे. तब्बल नऊ ते दहा कोटी रुपये थकित असल्याची माहिती आहे. पगार थकल्यामुळे डॉक्टरांनी संपाचे हत्यार उपसले आहे. या संपामुळे जवळपास सहाशे शस्त्रक्रिया रखडल्या आहेत. संपूर्ण विदर्भातून रुग्ण उपचारासाठी अमरावती येथील या सरकारी रुग्णालयात येतात, मात्र आता त्यांना गैरसोयीचा सामना करावा लागत आहे. अठ्ठावीस वर्षांच्या Sheikh Farooq Sheikh यांच्या यकृत प्रत्यारोपणाची शस्त्रक्रिया डॉक्टरांच्या संपामुळे रखडली आहे. वाशिमवरून उपचारासाठी आलेल्या Sheikh कुटुंबाची यामुळे फरफट झाली आहे. रुग्णांचे म्हणणे आहे की, "ही एक अनपेक्षित परिस्थिती आहे, मजबुरी आहे, सरकारने हे समजून घेतले पाहिजे." राज्य सरकारने 2024 पर्यंत प्रत्येक जिल्ह्यात Super Specialty रुग्णालये सुरू करण्याचा निर्धार केला आहे. रुग्णालये उभी राहिली, मात्र रुग्णांची सेवा करणाऱ्या डॉक्टरांचा पगारच सरकार थकवत असेल तर रुग्णांनी करायचे तरी काय, असा प्रश्न निर्माण झाला आहे.