नाशिक : सलाईनच्या सहाय्याने झाडे जगवण्याचा रिक्षावाल्यांचा स्तुत्य उपक्रम

नाशिकमधल्या काही रिक्षाचालकांनी सलाईनचा वापर करुन झाडांना जगवण्याचा प्रयत्न केला आहे. नाशिकच्या उद्योग भवनासमोरील रिक्षाचालकांनी हा स्तुत्य उपक्रम हाती घेतला आहे. सुरुवातीला रिकाम्या पाण्याच्या बॉटलला छिद्र पाडून झाडांना पाणी देण्याचा प्रयत्न करण्यात आला. मात्र तो अयशस्वी झाला. अखेर एका डॉक्टरांच्याच सल्ल्याने रिक्षाचालकांनी सलाईनच्या बाटल्यांचा वापर करुन दिवसभर झाडांना पाणी देण्याचा प्रयोग यशस्वी केला. दरम्यान सरकारी कार्यालयासमोर वृक्ष लागवड केली जात असतानाही सहकार्य मिळत नसल्याची खंत रिक्षाचालकांनी व्यक्त केली आहे.