नाशिक : आर्टिलरी सेंटर परिसरातील रस्ते लष्कराकडून बंद

नाशिक शहराला लागुन असलेल्या देवळाली कॅम्पमध्ये नागरिकांची सुविधा की आर्टिलरी सेंटरच्या सुरक्षेला प्राधान्य द्यायचं असा प्रश्न निर्माण झाला आहे. देवळाली कँप मुख्यत: लष्करी भाग असल्याने सुरक्षेच्या दृष्टीने अत्यंत संवेदनशील आहे. त्यामुळे अधिकाऱ्यांनी आर्टिलरी सेंटरच्या आजुबाजूचे 8 ते 9 रस्ते वाहतुकीसाठी बंद केले आहेत. त्याचा त्रास स्थानिकांना होत आहे. त्यामुळे लष्कराच्या या निर्णयाविरोधात नागरिकांनी देवळाली कँप छावणी परिषदेवर मोर्चा काढला. या मोर्च्यात अनेक नागरिक सहभागी झाले होते.