मुंबईत मुसळधार, अंधेरी स्टेशनवर ट्रॅकजवळ झाड कोसळल्यानं वाहतुकीवर परिणाम

मुंबई, पुणे, कोल्हापूर, सातारा आणि जवळपास संपूर्ण कोकण पट्ट्यात मुसळधार पाऊस झाला आहे. मुंबईतल्या अनेक उपनगरात जोरदार पावसानं जोरदार बॅटिंग केली आहे. तर काही उपनगरांमध्ये काळ्या ढगांची गर्दी झाली. दरम्यान पुढच्या 5 दिवसात मराठवाड्यात हवामान विभागानं अतिवृष्टीचा इशारा दिला आहे. त्याचबरोबर मध्य महाराष्ट्र, विदर्भातला काही भाग या ठिकाणी पाऊस होईल, असा अंदाज वर्तवला गेला आहे.

अंधेरी स्टेशनवर रेल्वे ट्रॅकजवळ झाड पडलं. त्यामुळे अंधेरी- सीएसटी हार्बर लाईनवरील वाहतूक विस्कळीत झाली होती.