मुंबई : 'महसूल'च्या भूखंडावरील इमारतींचा पुनर्विकास रखडला, पाठपुराव्याचं राज ठाकरेंचं आश्वासन

कलेक्टर लँड अर्थात महसूल विभागानं भाडेतत्वावर दिलेल्या भूखंडावर उभ्या असलेल्या इमारतींबाबत कायदा व्हावा, अशी मागणी रहिवाशांनी राज ठाकरे यांच्याकडे केली आहे. मुंबईसह राज्यात 22 हजाराहून अधिक इमारती या महसूल विभागानं भाड्यानं दिलेल्या भूखंडावर उभ्या आहेत. मात्र, संबंधित जमीन महसूल खात्याची असल्यामुळे इमारतीचा पुनर्विकास, हस्तांतरण, इमारतीची डागडूजी अशा अनेक अडचणी असतात.
त्यामुळे मुंबई, ठाणे, डोंबिवलीतले अनेक लोक आज राज ठाकरेंना भेटले., येत्या दोन दिवसात यासंदर्भात मुख्यमंत्र्यांशी बोलून मागण्यांच्या पाठपुरावा केला जाईल., असं आश्वासन यावेळी राज ठाकरेंकडून देण्यात आलं.