मुंबई : बॉलिवूडची 'चांदनी' अनंतात विलीन, विलेपार्लेमध्ये अंत्यसंस्कार, चाहते हळहळले

अभिनेत्री श्रीदेवी यांच्यावर आज विलेपार्लेमधल्या स्मशानभूमीत शासकीय इतमामात अंत्यसंस्कार करण्यात आले. आज सकाळी साडे नऊ वाजल्यापासून त्यांच्या अंत्यदर्शनाला सुरुवात झाली. मुंबईतल्या सेलिब्रेशन स्पर्ट्स क्लबमध्ये त्यांचं पार्थिव शरीर अंत्यदर्शनासाठी ठेवण्यात आलं होतं.
अवघ्या बॉलिवुडसह देशभरातल्या हजारो चाहत्यांनी गर्दी केली होती. यावेळी पोलिसांनी श्रीदेवी यांना मानवंदनाही दिली.