विशेष चर्चा : हिंसा करुन दलितांचं भलं होणार आहे?

दलित अत्याचार विरोधी कायदा अर्थात अट्रॉसिटीत बदल करण्याच्या निर्णयाविरोधात पुकारलेल्या भारत बंदला उत्तर भारतात हिंसक वळण मिळालं. गुजरात, राजस्थान, मध्यप्रदेश, ओडिशा, उत्तरप्रदेशमध्ये लोक रस्त्यावर उतरले. विविध ठिकाणी रास्तारोको, रेल रोको आणि निदर्शनं करण्यात आली. दरम्यान, मध्यप्रदेशात भारत बंदला गालबोट लागलं असून, हिंसाचारात मध्यप्रदेशात 4, तर राजस्थानात एकाचा मृत्यू झाल्याची माहिती मिळतेय. तर अनेक गाड्या आणि दुकानांची मोडतोड आणि जाळपोळ करण्यात आली आहे. दरम्यान, ग्वाल्हेरमधील अनेक भागात संचारबंदी लागू करण्यात आली असून, मोठा पोलिस बंदोबस्त तैनात करण्यात आला आहे. बिहार आणि गुजरातमध्येही आंदोलनाला हिंसक वळण लागले आहे. महाराष्ट्रातही नंदूरबार, नागपूर या भागात बसेसवर दगडफेक, तुरळक जाळपोळ असे प्रकार पहायला मिळाले.. प्रश्न असा आहे.. हिंसा करून दलितांना न्याय मिळणार आहे का.. कायद्याची लढाई न्यायालयाऐवजी रस्त्यावर उतरून का लढली जातेय