ZP Election Election : जिंकली लोकशाही, आजी नववधूच्या बोटाला शाई Special Report

आता जरा लोकशाहीचा पोरखेळ कसा झाला... हे दाखवणारी बातमी..  राज्यात जिल्हा परिषद आणि पंचायत समित्यांसाठी मतदान सुरु असताना सोलापूर आणि छत्रपती संभाजीनगरमध्ये घटना घडल्या. अकलूजमध्ये जिल्हा परिषद उमेदवारानं मुलाला मतदान केंद्रात नेलं. एवढंच नाही तर त्यांच्या मुलाने चक्क ईव्हीएमचं बटण दाबून मतदान केलं. तर दुसरीकडे छत्रपती संभाजीनगरमध्ये शिवसेनेच्या आमदारानंही हेच केलं..  यावर तिथल्या अधिकाऱ्यांनी काही कारवाई केली का? निवडणूकीच्या आदर्श आचारसंहितेत काही तरतुदी आहेत का? हेच जाणून घेण्यासाठी पाहुयात स्पेशल रिपोर्ट

 

छत्रपती संभाजीनगरात 

आज लोकशाहीचा पोरखेळ मांडला..

बरं, फक्त संभाजीनगरात नाही तर अकलूजमध्येही

असाच फॅमिली शो भरला...

 

इथं फक्त फोटोबाजी नाही झाली..

तर त्या मुलानं मतदानही केलं..

अकलूज जिल्हा परिषदेसाठी आज मतदान पार पडलं..

त्यासाठीच्या यशवंत नगर मतदान केंद्रावर 

उमेदवार अर्जुन सिंह मोहिते पाटील आपल्या मुलासोबत पोहोचले..

त्याला केंद्रात घेवून गेले..

बरं इथंही ते थांबले नाही..

त्यांनी त्याला ईव्हएमजवळ नेलं..

त्यालाच मतदानही करायला लावलं...

 

आता जरा छत्रपती संभाजीनगरात जाऊ..

इथं शिवसेनेचे आमदार विलास भुमरे 

आपल्या मुलासह मतदानकेंद्रावर पोहोचले..

मतदान केंद्रावरच्या अधिकाऱ्यानं त्यांच्या बोटावर शाई लावली..

त्यानंतर मुलाच्या बोटावरही शाई लावण्यासाठी.

अधिकाऱ्याला सांगितलं..

धक्कादायक भाग म्हणजे अधिकाऱ्यानं शाई लावलीही...

त्यानंतरही विलास भुमरेंनी मुलाला ईव्हीएमजवळ नेलं...

 

काय कमाल आहे..

मुलानं हट्ट केला.. 

म्हणून त्याला मतदानकेंद्रावर नेलं..

त्याच फोटोसेशनही झालं..

वरुन काहीही गैर केलं नाही म्हणणाऱ्या आमदार साहेबांना

अधिकाऱ्यांनी का रोखलं नाही..

शाई लावणाऱ्या अधिकाऱ्यांनी नियम तपासले का?

मतदान केंद्रावर उपस्थित कर्मचाऱ्यांनी ही कृती रोखली का नाही?

निवडणूक आयोग याची दखल घेणार का?

लोकशाहीचा उत्सव की नियमांची थट्टा?