Maharashtra Politics : काँग्रेसला वगळून तिसरी आघाडी निर्माण करणार? दिल्लीत पवारांच्या पॉवरफुल बैठका

नवी दिल्ली: राष्ट्रवादी काँग्रेसचे (NCP)चे सर्वेसर्वा शरद पवार हे दिल्लीमध्ये आहेत. आज त्यांनी निवडणूक रणनीतीकार प्रशांत किशोर यांची भेट घेतली. उद्या शरद पवारांच्या अध्यक्षतेखाली विरोधी पक्षांच्या नेत्यांची महत्त्वपूर्ण बैठक होणार आहे. या बैठकीला आम आदमी पार्टी, तृणमूल काँग्रेस, आरजेडी आणि राष्ट्रवादी काँग्रेस या पक्षाचे नेते उपस्थित राहणार आहेत, अशी माहिती मंत्री नवाब मलिकांनी दिली आहे. या बैठकीला 15 ते 20 विरोधी पक्षांचे नेते उपस्थित राहणार असल्याची शक्यता आहे.