Surat Railway Station : सूरतचा चेहरा बदलला, दीड हजार कोटींचा रेल्वे स्थानक पुनर्विकास प्रकल्प

गुजरातच्या सुरत रेल्वे स्थानकाच्या पुनर्विकासासाठी सुमारे दीड हजार कोटी रुपयांचा मोठा प्रकल्प सुरू झाला. आणि बघता बघता अवघ्या चार वर्षात या प्रकल्पाचं अर्ध काम पूर्णही झालं. सुरत स्थानकाचा हा कायापालट नेमका कसा झाला? यामुळे  भविष्यात या स्थानकाचं महत्त्व कसं वाढणार? पाहूयात याचा आढावा घेणारा हा स्पेशल रिपोर्ट...

मुंबईतील अनेक स्थानकांचा पुनर्विकास ही काळाची गरज आहे कारण प्रवासी संख्या झपाट्याने वाढत आहे. त्यामुळे सीएसएमटी सोबतच मुंबई सेंट्रल, ठाणे, दादर, बोरिवली, कल्याण अश्या स्थानकांच्या पुनर्विकासाचा निर्णय घेण्यात आला. प्रत्यक्षात मात्र सीएसएमटी स्थानकचाच पुनर्विकास टेंडर प्रोसेस पूर्ण करून पुढे निर्माण कार्य सुरू करण्यापर्यंत पोचला आहे. इतर स्थानकांचे अजूनही डीपीआर तयार नाही किंवा त्याबाबत अजूनही अभ्यास सुरू आहे. मात्र गुजरात मधील सुरत या स्थानकात हेच चित्र उलट असल्याचे दिसून येत आहे. सुरत स्थानकाचा पुनर्विकास डिसेंबर २०२२ मध्ये सुरू झाला आणि आता पर्यंत त्याचे अंदाजे पन्नास टक्के काम पूर्ण देखील झाले. हे पुनर्विकास करण्यात येत असलेल्या स्थानकांपैकी सर्वात जलद होणारे निर्माण कार्य ठरले आहे. सुरत स्थानकाचा पुनर्विकास करून तिथे मल्टी मॉडल हब तयार करण्यात येत आहे. तिथे देखील अनेक प्रशासनांची परवानगी आणि इतर अडथळे होते मात्र तरीही काम थांबले नाही. हे कसे सध्य झाले जाणून घेऊया आमचे प्रतिनिधी अक्षय भाटकर यांच्या कडून….