Special Report Pune Kalakar Katta : पुण्यातला कलाकार कट्टा हटवणार?; भाजपच्या नगरसेवकांची मागणी

Special Report Pune Kalakar Katta : पुण्यातला कलाकार कट्टा हटवणार?; भाजपच्या नगरसेवकांची मागणी 

पुणे हे कलाकारांचं शहर... याच कलाकारांना हक्काचं व्यासपीठ मिळावं यासाठी कलाकार कट्टा उभारण्यात आला. पण पुण्याच्या फर्ग्युसन रस्त्यावर असलेला हा कलाकार कट्टा हटवण्याची मागणी भाजपकडून होतेय... पण यामुळे कलाकारांची मात्र नाराजी आहे... पाहूयात हा स्पेशल रिपोर्ट... 
कलाकार कट्टा...  पुण्यातल्या एफसी रोडवर असलेला हाच कट्टा...  जिथे संगीत, नृत्य, चित्रकला अशा विविध कलांचा संगम पाहायला मिळतो...  तोच कलाकार कट्टा पुढच्या काही दिवसांनी राहिल की नाही असा प्रश्नय...  कारण 2021 पासून सुरू असणारा हा कलाकार कट्टा आता हटवण्याची मागणी जोर धरतेय...  ज्या कलाकार कट्ट्याचं कौतुक थेट पंतप्रधान नरेंद्र मोदींनीही आपल्या भाषणात केलं होतं, त्याच कलाकार कट्ट्याला हटवण्याची भूमिका भाजपचेच नवनिर्वाचित नगरसेवक सुनील पांडेंनी केली... 
भाजपच्या माजी नगरसेविका ज्योत्स्ना एकबोटे यांच्या संकल्पनेतून साकारला - 2019 मध्ये कलाकार कट्टा उभारण्याचा विचार  - जुलै 2021 मध्ये कलाकार कट्ट्याची उभारणी - कट्ट्यासाठी साधारण 30 लाख रुपये खर्च - 18 लाख रुपये संपूर्ण बांधकामासाठी आणि दहा लाख रुपये सजावटीसाठी खर्च  
कट्टा हटवण्यासाठी वाहतूक कोंडीचं कारण दिलं जात असलं तरी या कलाकार कट्ट्यावर  आपली कला सादर करण्यासाठी येणाऱ्या कलाकारांनी मात्र याला विरोध करत आपली भूमिका मांडलीय...   तर ज्या ज्योत्स्ना एकबोटे यांच्या संकल्पनेतून कलाकार कट्टा सुरू झाला त्यांनीही पुणे महानगरपालिकेच्या आयुक्तांनी यामध्ये लक्ष घालावं असं आवाहन केलंय.  तर भाजपच्या या विरोधाला राष्ट्रवादी शरद पवार गटाच्या नेत्यांनीही तीव्र विरोध  केलाय.

कलाकार कट्ट्याच्या निमित्तानं अनेक होतकरू कलाकारांना छोटंसं पण हक्काचं व्यासपीठ मिळालं... 

अनेक कलाकार इथे येऊन आपली कला सादर करतात आणि रोजीरोटी कमावतात...
त्यामुळे हा कट्टा हटवण्याला विरोध होतोय.

दुसरीकडे पुण्यातल्या वेगवेगळ्या रोडवर फेरीवाले, अवैध पार्किंग अशा वेगवेगळ्या गोष्टींमुळे रस्ते ब्लॉक केले जातात आणि लोकांना त्या रस्त्यांवरून चालताही येत नाही 
अशा रस्त्यांकडे पालिकेचं लक्ष जात नाही का हाही प्रश्न विचारला जातोय...