Special Report | अहमदाबादमध्ये शरद पवार - अमित शाह भेट?

नवी दिल्ली : महाराष्ट्राच्या राजकारणात एकीकडे सचिन वाझे, परमबीर सिंह प्रकरणावरून महाविकास आघाडी टीकेचं लक्ष्य असतानाच शरद पवारांच्या एका गुप्त भेटीची जोरदार चर्चा सुरु झालीय. त्यातही ही गुप्त भेट होती मोदी-शाहांच्या गुजरातमधली. या भेटीत पवार नेमके कुणाला भेटले याबद्दल उलटसुलट चर्चा सुरु आहेत.

शरद पवार आणि प्रफुल्ल पटेलांनी गुजरातमध्ये नेमकी कुणाची गुप्त भेट घेतली? अमित शाह की गौतम अदानी? महाराष्ट्राच्या राजकारणात अँटिलिया- वाझे प्रकरणावरुन गदारोळ सुरु असताना शरद पवारांची पावलं गुजरातकडे का वळाली? या प्रश्नांची सध्या राजकीय वर्तुळात जोरदार चर्चा सुरु झालीय. दैनिक भास्करच्या गुजराती आवृत्तीनं तर पवारांची ही भेट अमित शाहांसोबतच होती असा दावा केलाय.