पडळकर विरुद्ध पवार! आजोबांनंतर गोपीचंद पडळकरांचा नातवावर निशाणा, रोहित पवारांचंही चोख उत्तर!

सांगली : भाजपचे आमदार गोपीचंद पडळकर यांनी कर्जत मतदार संघातील खराब रस्त्यावरुन आमदार रोहित पवार यांना लक्ष्य केले. खराब रस्त्यावर एक व्हिडीओ करत तो पडळकर यांनी ट्विट केला. यासोबत रोहित पवार यांच्यावर वैयक्तिक टीका देखील केली. गोपीचंद पडळकर यांनी ट्विट केलेला व्हिडीओ व्हायरल झाला आणि पडळकर यांनी केलेल्या आरोपाला आमदार रोहित पवार यांनी काही तासातच फेसबुक पोस्टच्या माध्यमातून उत्तर दिले. यामुळे राष्ट्रवादी आणि भाजपच्या या दोन युवा आमदारात जुंपली असल्याचे चित्र आहे.