Special Report Pahalgam Attackआधी धर्म विचारला,मग गोळी झाडली;दहशतवादी हल्ल्यानं जम्मू काश्मीर हादरलं

Pahalgam Terrorist Attack पहलगाम (जम्मू काश्मीर) :जम्मू काश्मीरमध्ये पहलगाममध्ये पर्यटकांवर दहशतवाद्यांनी केलेल्या भ्याड हल्ल्यात 28 जणांचा मृत्यू झाल्याची भीती व्यक्त करण्यात आली आहे. या घटनेत 10 हून अधिक लोक जखमी असल्याचं सांगितलं जात आहे. पहलगाममध्ये पर्यटकांवर दहशतवाद्यांनी हल्ला केला असून यामध्ये महाराष्ट्र आणि कर्नाटकमधील व्यक्तींचा मृत्यू झाला आहे.  आतापर्यंतच्या प्राप्त माहितीनुसार महाराष्ट्रातील दोन पर्यटकांचा मृत्यू झाला आहे. दिलीप डिसले, अतुल मोने या महाराष्ट्रातील व्यक्तींचा मृत्यू झाला आहे. 

सूत्रांच्या माहितीनुसार दहशतवादी हल्ल्यात 28 पर्यटकांचा मृत्यू झाल्याची भीती व्यक्त करण्यात आली आहे. जम्मू काश्मीरच्या पहलगाममध्ये जो दहशतवादी हल्ला करण्यात आला त्यामधील हल्लेखोरांनी पोलिसांच्या गणवेश घातले असल्याची बाब समोर आली आहे. या दहशतवादी हल्ल्यामुळं जम्मू काश्मीरच्या पर्यटन उद्योगावर मोठा परिणाम होण्याची शक्यता आहे. 

हा हल्ला सुनियोजतपणे करण्यात आल्याचा अंदाज व्यक्त करण्यात आला आहे. पर्यटकांच्या गटावर घेरून त्यांची ओळख विचारुन गोळ्या मारणं हे मोठ्या षड्यंत्राचा भाग असल्याचं स्पष्ट होतंय.श्रीनगरपासून 90 किलोमीटर अंतरावर पहलगाम आहे. काश्मीरच्या सुंदर ठिकाणांपैकी एक म्हणून पहलगामची ओळख आहे.