Rajkiya Shole | Special Report | Shinde Vs Thackeray | पाहिले न मी तुला, मर्सिडीजचे भाव, टोमण्यांंचा घाव
Rajkiya Shole | Special Report | Shinde Vs Thackeray | पाहिले न मी तुला, मर्सिडीजचे भाव, टोमण्यांंचा घाव
Follow AI generated Transcription - (खालील डिस्क्रिप्शन AI जनरेटेड आहेत. त्यामध्ये त्रुटी असू शकतात)
मुंबई: राजकारणात अनेकदा पक्ष नेते एकमेकांवर टोकाची टीका करतात मात्र, कधी कधी हेच नेते एकमेकांसमोर आले की, काही झालंच नाही असं वागताना आपल्याला दिसतात. मात्र, शिवसेना फुटीनंतर उपमुख्यमंत्री एकनाथ शिंदे आणि माजी मुख्यमंत्री उध्दव ठाकरे यांच्यातील कटूता अगदी आहे तशीच आहे, असं काहीस चित्र आज विधानभवनाच्या परिसरामध्ये दिसून आलं. एबीपी माझाच्या कॅमेरामध्ये एक दृश्य कैद झाले आहे. त्यामध्ये उद्धव ठाकरे आणि मुख्यमंत्री देवेंद्र फडणवीस एकमेकांशी बोलताना दिसतात, त्यांनी हस्तांदोलन केले, एकमेकांना नमस्कार केलेला आहे. मात्र, त्याच वेळेला त्यांच्या मागून एकनाथ शिंदे हे सुद्धा चाललेले होते, मात्र एकनाथ शिंदे यांनी उद्धव ठाकरेंकडे पाहिलं सुद्धा नाही. देवेंद्र फडणवीसांना भेटून पुढे जाताना उध्दव ठाकरे यांनी देखील एकनाथ शिंदेंना इग्नोर केल्याचं दिसून आलं आहे.
काय झालं संभाषण?
फडणवीस आले, नमस्कार केला, उद्धवजी म्हणाले - काय तुम्ही मर्सिडीजचे भाव वाढवले नाही. त्यावर सगळे (अंबादास, मिलिंद नार्वेकर) सगळे खळाळून हसले, आणि पुढे गेले.
नेमकं काय घडलं?
अर्थसंकल्पाच्यानंतर देवेंद्र फडणवीस आणि उद्धव ठाकरे एकमेकांच्या समोर आले आणि त्यावेळेला त्यांनी एकमेकांना हसत हसत नमस्कार केला. हातात हात दिला. त्यावेळी उद्धव ठाकरे यांच्यासोबत मिलिंद नार्वेकर, अंबादास दानवे देखील उपस्थित होते, या सर्व नेत्यांनी देवेंद्र फडणवीस यांच्यासोबत काही क्षण बातचीत केली, हसत हसत नमस्कार केला, त्या सर्व नेत्यांच्या चेहऱ्यावर एक स्मित हास्य पसरलं होतं. मात्र त्याचवेळी देवेंद्र फडणवीस यांच्या मागून एकनाथ शिंदे आले होते, त्यांची देहबोली पाहून कळतंय की त्यांनी उद्धव ठाकरे यांच्याकडे पाहिले देखील नाही, आणि फडणवीसांच्या मागोमाग लगेच एकनाथ शिंदे देखील तिथून पुढे निघून गेले.