Raj Thackeray & India Alliance : 'इंडिया'ला मनसेचं इंजिन? | Special Report ABP Majha
मुंबईत आज ठाकरेंचा गर्जना मोर्चा झाला.. मुख्य निवडणूक आयुक्त ज्ञानेश कुमारांच्या राजीनाम्यासह अनेक मागण्या करण्यात आल्या.. पण, चर्चा रंगली ती एक प्रवासाची.. ठाकरे बंधू आणि काँग्रेसचे ज्येष्ठ नेते बाळासाहेब थोरात... एकाच गाडीतून मोर्चास्थळी पोहोचले...आणि या दृश्यानंतर राजकीय चर्चांना उधाण आलंय... कारण, मनसे अजूनही कोणत्याही आघाडीचा भाग नाही... मात्र, मतचोरीच्या मुद्द्यावरुन मनसेची इंडिया आघाडीत एन्ट्री होणार का, अशी चर्चा सुरू झालीय... पाहूया.
ठाकरेंची गाडी..
त्यात पहिल्या सीटवर काँग्रेसचे ज्येष्ठ नेते बाळासाहेब थोरात..
मागच्या सीट्सवर ठाकरे ब्रदर्स..
आणि विशेष म्हणजे.. राज ठाकरेंच्या विनंतीवरुन
बाळासाहेब थोरात पहिल्या सीटवर बसतात..
एकाच गाडीमधून तीनही नेते मोर्चा स्थळी पोहोचतात...
मोर्चातही एकत्र सहभागी होतात...
आणि भाषणंही दणक्यात करतात...
खरंतर, पाहताना हा निव्वळ योगायोग दिसतोय..
पण राजकारणात कोणतीही गोष्ट योगायोग नसते...
जसं की.. हे राज ठाकरे काँग्रेससाठी कधीही आपले नव्हते...
त्याचं कारण राज ठाकरेंची उत्तर भारतीयांविरोधातली भूमिका...
त्यात जर काँग्रेसनं मुंबईपुरतं राज ठाकरेंची जुळवून घेतलं...
तर उत्तरेत काँग्रेसला फटका बसण्य़ाची भीती...
म्हणूनच की काय जेव्हा मराठीच्या मुद्यावर दोन्ही ठाकरे एकत्र आले...
त्यानंतर त्यांनी राज्यातल्या काही महापालिका एकत्र लढण्याची घोषणा केली...
तेव्हा चित्र असं होतं की मनसे मविआचा घटकपक्ष होणार...
पण, महाराष्ट्र काँग्रेसनं राज्यातल्या महापालिका स्वबळावर लढण्याची घोषणा केली..
आणि महापालिकेत मविआत फुटली होती....
मात्र, इंडिया आघाडी कायम होती..
त्यात उद्धव ठाकरेंची शिवसेना प्रमुख घटक पक्षांपैकी एक..
मनसे मात्र, अजूनही कोणत्याही आघाडीत नाहीय...
पण, मतचोरीच्या मुद्द्यावरुन..
मनसेची इंडिया आघाडीत एन्ट्री होतेय की काय?
अशा चर्चा आता सुरु झाल्यायत..
त्यांचं पहिलं कारण, खासदार संजय राऊतांचा हा दावा..
आता संजय राऊतांनी केलेल्या दाव्यात..
किती तथ्य आहे हे त्यांनाच ठाऊक..
पण राऊतांनी हे वक्तव्य ज्या मोर्चासंदर्भात केलं..
त्याच मोर्चाची सुरुवात राज ठाकरे आणि बाळासाहेब थोरातांच्या याच दृश्यांनी झालीय.
बरं, गेल्या काही दिवसांमध्ये राहुल गांधींनाही आपला मोर्चा महाराष्ट्राकडे वळवलाय...
छात्रों की गूंज असो.. की पुण्यातील एमपीएससी मोर्चातील तरुणाशी संवाद असो...
की नाशकातील आदिवासी विद्यार्थ्यांशी संवाद...
आणि अगदी मतचोरीच्या प्रत्येक पत्रकार परिषदेत महाराष्ट्राचा उल्लेख करणं असो..
यातून राहुल गांधींनी महाराष्ट्राकडे लक्ष वाढवल्याचं दिसून येतं..
आणि त्यातच जर महापालिकेत विखुरलेली मविआ..
मतचोरीच्या मुद्द्यावरुन पुन्हा एकत्रित होत असेल..
त्यांच्या एकजुटीला मनसेचं इंजिन लागत असेल.. तर काय होईल?
आणि त्याला काँग्रेसची तयारी असेल का?
आता प्रश्न असा की.. उत्तर प्रदेश विधानसभेची निवडणूक ऐन तोंडावर असताना..
राम मंदिरातील दानचोरीपासून मतचोरीसारख्या मुद्द्यावर..
काँग्रेसला यूपीत चांगली संधी असताना..
काँग्रेस राज ठाकरेंच्या मनसेला
इंडिया आघाडीचा घटक पक्ष म्हणून आपलं म्हणणार का?
आणि राज ठाकरे.. ज्यांनी पक्ष स्थापन केल्यापासून
आजपर्यंत कोणत्याही आघाडीत जाणं कायम टाळलं..
ते इंडिया आघाडीचा भाग होणार का?
All Shows
































