Pune Fake Khawa : भेसळखोरीचा खवा, मुंढेजी धडा शिकवा Special Report

गणोशोत्सवात घराघरात मोदकांचा घमघमाट सुटलेला असतो.. मिठाईंची दुकानं गर्दीने फुललेली असतात. बाप्पाचा प्रसाद म्हणून दिवसभरात किती लाडू, पेढे खाल्ले जातात त्याची गणतीच नसते.. पण या मिठायांंमधून तुमच्या घरात आणि पोटातही प्रवेश करणारा खवा आणि पनीर शुद्ध आहेत की बनावट याचा विचार करण्याची वेळ आलीये.. आज पुण्यात एफडीएनं मोठी कारवाई २७ लाखाचं पनीर आणि ११ लाखाचा खवा जप्त केलाय... या पदार्थांचे सॅम्पल्स तपासणीसाठी पाठवण्यात आलेयत... पण काही खवा उत्पादकांनी या कारवाईवर नाराजीही व्यक्त केलीये... काय आहे हे सगळं प्रकरण? पाहूयात....

स्वच्छ ट्रक...

त्या ट्रकमधली ही पोती

आणि त्या पोत्यांमध्ये प्लास्टिकच्या आवरणात घालून आणलेलं हे पनीर....

आणि हा खवा....

पण हे सगळं पुणेकरांच्या पोटात जाण्याआधीच

एफडीएनं धाड टाकली आणि तब्बल २७ लाखांचं पनीर 

आणि ११ लाखांचा खवा जप्त केला....

पण हे सगळं आलं कुठून?

तर कर्नाटक बॉर्डरवरून पनीरचा ट्रक

पुण्यात येत असल्याची माहिती एफडीएच्या अधिकाऱ्यांना मिळाली होती 

गेले सहा दिवस अधिकारी याच मागावर होते...
जप्त केलेलं पनीर आणि खव्याची तपासणी होणार आहे...

आणि त्यात जर त्रुटी आढळल्या तर कारवाईची दिशा ठरणार आहे... 

मात्र वाशीतून दोन शेतकरी खवा घेऊन पुण्यात आले होते...

त्यांचाही खवा एफडीएनं जप्त केलाय...

मात्र आपण आणलेला हा खवा ओरिजनल असल्याचं सांगत 

यात कोणतीही भेसळ नसल्याचं म्हटलंय या शेतकऱ्यांनी म्हटलंय...