GDP Rate India : जीडीपाचा बोलबाला, पंतप्रधानांचा बचतीचा सल्ला Special Report
अमेरिकेनं इराणवर हल्ला केल्यानंतर आणि इराणनं होर्मुझचा मार्ग बंद केल्यानंतर जागतिक बाजारात कच्चं तेल महागलं... त्यानंतर कधी शस्त्रसंधी तर कधी हल्ले यामुळे बाजारात प्रचंड अस्थिरता निर्माण झालीये. गेल्या दोन दिवसांपासून अमेरिका आणि इराणमध्ये पुन्हा खटके उडाल्यामुळे परत एकदा अर्थकारणाला धक्का बसलाय... या अस्थीर वातावरणातही भारताच्या विकासदरानं अपेक्षित पल्ला गाठल्यामुळे समाधान व्यक्त होत असतानाच वाढती महागाई चिंतेचा विषय बनलीये... त्यामुळेच पंतप्रधानांनी पुन्हा एकदा देशाला आवाहन केलंय... कोणतं ते बघुयात या स्पेशल रिपोर्टमध्ये...
मोदींचे पुन्हा आवाहन- गरज नसेल तर सोने खरेदी करू नका:जागतिक संकटात भारताची 7.8% आर्थिक वाढ, हे जनतेच्या कष्टाचे फळ
पंतप्रधान नरेंद्र मोदी यांनी देशाच्या ७.८% आर्थिक वाढीबद्दल देशवासियांचे अभिनंदन केले. ते म्हणाले की, हे यश देशवासियांच्या इच्छाशक्ती, मेहनत आणि सामूहिक ताकदीचा परिणाम आहे.
त्यांनी मंगळवारी सोशल मीडियावर एक व्हिडिओ जारी करून ही माहिती दिली. पंतप्रधानांनी पुन्हा लोकांना सोने खरेदीबाबत आवाहन केले. ते म्हणाले, ‘गरज नसेल तर सोने खरेदी करू नये.’ असेच आवाहन त्यांनी गत ११ मे रोजी केले होते.
पंतप्रधान मोदी - काही लोक खोट्याच्या आधारावर वातावरण खराब करण्यात गुंतले
पंतप्रधान मोदी - देशातही काही लोक निराशा पसरवण्यात आणि खोट्याच्या आधारावर वातावरण खराब करण्यात गुंतले आहेत. या सर्व आव्हानांवर मात करत भारताने 7.8% विकास दर गाठला आहे. देशाला हीच गती कायम ठेवावी लागेल आणि पुढेही वेगाने विकास करावा लागेल.
पंतप्रधान मोदी - परदेशात फिरण्यासाठी प्रवास करणे आणि परदेशात लग्न करणे टाळावे. लोकांनी 'मेक इन इंडिया'च्या मंत्रासह पुढे जायला हवे. गरज नसल्यास सोने खरेदी करू नये. देशात जितका जास्त स्वदेशी आणि आत्मनिर्भरतेवर भर दिला जाईल, तितक्याच मजबूतपणे भारत पुढे जाईल.
मला पूर्ण विश्वास आहे की जेव्हा भारत आपल्या स्वातंत्र्याची 100 वर्षे पूर्ण करेल, तेव्हा देशाच्या युवा पिढीला एक विकसित भारत सोपवला जाईल.