Pashchim Maharashtra Elecction : पश्चिम महाराष्ट्रात झेपीचा कारभारी कोण? Special Report

आज महाराष्ट्रात आणखी एका निवडणुकांचा गुलाल उधळला.. १२ जिल्हा परिषदा आणि १२५ पंचायत समित्यांचा निकाल लागला.. प्रत्येक पक्षांनं आपआपली आकडेवारीही जाहीर केली. आकड्याचंच बोलयाचं तर भाजपनं सर्वाधिक जागा इथंही जिंकल्याचं मुख्यमंत्री देवेंद्र फडणवीसांनी जाहीर केलं.. पण, इतर निवडणुकांपेक्षा जिल्हा परिषदांच्या निवडणुका वेगळ्या असतात.. आपल्या राज्यात भौगोलिक विभागानुसार राजकारणही बदलतं.. कोकण असो की पश्चिम महाराष्ट्र.... उत्तर महाराष्ट्र असो की मराठवाडा असो वा विदर्भ.. प्रत्येक भागाचं एक वेगळं राजकारण आहे.. म्हणून त्यांचं विश्लेषण विभागवार समजून घेतलं पाहिजे.. आजच्या राजकीय शोलेमध्ये आपण आजच्या निकालाचं विभागवार विश्लेषण करुयात.. सुरुवात पश्चिम महाराष्ट्रापासून..

पुणे जिल्हा परिषदेत एकहाती सत्ता मिळवत,  राष्ट्रवादी काँग्रेसनं अजित पवारांना श्रद्धांजली म्हणून विजयाचा गुलाल अर्पण केलाय..

 

हा विजय साजरा करताना राष्ट्रवादीच्या प्रत्येक नेत्याच्या आणि कार्यकर्त्यांच्या मनात अजितदादांच्या आठवणीनं कोलाहाल माजला...

 

खरं तर विजयी निकालानंतर शुभेच्छा देण्यासाठी अजितदादांचा फोन हमखास यायचा..

मात्र शुभेच्छा देणारा तो आवाज कायमचा हरपल्यानं अनेक नेत्यांच्या डोळ्यांना धारा लागल्या...

 

 

पुणे आणि पिंपरी-चिंचवड महापालिका गमावल्यानंतर...

अजित पवारांना पुण्यातील जिल्हा परिषद आणि पंचायत समित्या गमावून चालणार नव्हतं....

म्हणूनच त्यांनी महापालिकेतला पराभव बाजूला ठेवत, पायाला भिंगरी लावून प्रचार सुरू केला..

मात्र अशाच एका प्रचारासाठी बारामतीत उतरताना विमान अपघातात अजित पवारांचा दुर्दैवी मृत्यू झाला..

 

 

 

पुण्याप्रमाणे साताऱ्यातही दोन्ही राष्ट्रवादींनी एकत्र येत, बड्या प्रतिस्पर्ध्यांना काटे की टक्कर दिलीय..

साताऱ्यात भाजप, शिवसेना आणि राष्ट्रवादी स्वतंत्र लढले...

मंत्री जयकुमार गोरेंना साताऱ्याच्या मतदारांनी मोठा धक्का दिलाय..

जयकुमार गोरेंचा एक भाऊ आणि वहिनी यांना पराभवाला सामोरं जावं लागलंय..

स्वतःचं होमपिच असलेल्या माण-खटावमध्ये देखील जयकुमार गोरेंना म्हणावी अशी कामगिरी दाखवता आलेली नाही

साताऱ्यातला भाजपचा आणखी एक मोठा चेहरा म्हणजे शिवेंद्रराजे...

मात्र आपल्या निकटवर्तींना जिंकून आणण्यात शिवेंद्रराजेही अपयशी ठरले

साताऱ्याला लाभलेले तिसरे मंत्री म्हणजे शिवसेनेचे शंभूराज देसाई

त्यांनी मात्र पाटणचा गड राखलाय..