Opration Tiger : ऑपरेशनचा सिक्सर 2029 वर नजर, ऑपरेशन टायगर कशासाठी? | Special Report

महाराष्ट्रात गेल्या काही आठवड्यांपासून चर्चा रंगलेल्या ऑपरेशन टायगरचा एक टप्पा आज पूर्ण झाला. ठाकरेंच्या सहा खासदारांनी आज औपचारिकरित्या शिंदेंच्या शिवसेनेत प्रवेश केला. त्यामुळं शिंदेंच्या शिवसेनेची ताकद वाढली असून ठाकरेंच्या शिवसेनेसमोरची आव्हानं वाढली आहेत. या सहाही खासदारांना भविष्यात धनुष्यबाणाच्या चिन्हावर उमेदवारी मिळेल, अशी घोषणा करत एकनाथ शिंदेंनी २०२९ च्या निवडणुकांची उमेदवारी अप्रत्यक्षरित्या जाहीर केलीय. आता प्रश्न आहे तो सहा खासदारांचा हा पक्षप्रवेश कायद्याच्या चौकटीत बसणार का.. पाहूया, आज दिवसभरात काय घडलं, याचा आढावा घेणारा हा स्पेशल रिपोर्ट. 

मुंबईच्या यशवंतराव चव्हाण सेंटरमध्ये पार पडलेल्या या पत्रकार परिषदेच्या रुपानं ऑपरेशन टायगर पूर्ण झालं. 

ठाकरेंच्या शिवसेनेतून फुटून सहा खासदारांनी शिंदेंच्या शिवसेनेत प्रवेश केला आणि बरोबर चार वर्षांनी पुन्हा एक ऑपरेशन पार पाडण्यात एकनाथ शिंदेंना यश आलं.