NCP Merger News : राष्ट्रवादीचं विलिनीकरण की पवारांच्या पक्षात फूट? Special Report
राज्याच्या राजकारणात पुन्हा एकदा वेगानं घडामोडी घडू लागल्यात... सध्या सर्वाधिक बातम्या येतायत त्या दोन्ही राष्ट्रवादी काँग्रेसमधून... काल रात्री पवारांच्या राष्ट्रवादीचे आमदार जयंत पाटील यांनी वर्षा बंगल्यावर मुख्यमंत्र्यांची भेट घेतली. विशेष म्हणजे यावेळी राष्ट्रवादीचे दोन बडे नेते प्रफुल पटेल आणि सुनील तटकरेदेखील 'वर्षा'वरच होते, असं सांगितलं जातंय... मुख्यमंत्र्यांची भेट ईश्वरपूरच्या नगराध्यक्षपदाबाबत झाल्याचं पाटील यांनी जाहीर केलंय... यावर आलेल्या प्रतिक्रियांमधली 'बिटविन द लाईन' ऐकल्यावर काहीतरी शिजत असल्याची शंका कुणालाही येईल...
शरद पवारांच्या राष्ट्रवादीचे ज्येष्ठ नेते जयंत पाटील मंगळवारी रात्री साडेदहा वाजता 'वर्षा' बंगल्यावर गेले...
राष्ट्रवादीचे दोन ज्येष्ठ नेते प्रफुल्ल पटेल आणि सुनील तटकरे हेदेखील तिथं हजर होते म्हणे...
सूत्रांच्या माहितीनुसार आधी मुख्यमंत्र्यांची पटेल, तटकरेंसोबत चर्चा झाली...
आणि त्यानंतर चौघांनी जवळजवळ पाऊण तास खबलतं केली...
दोन दिवसांपूर्वीच शरद पवारांच्या राष्ट्रवादीच्या आमदारांचीही बैठक झाल्याचं सांगितलं जातंय...
या भेटीगाठींमुळे राज्याच्या राजकीय वर्तुळात पुन्हा एकदा दोन्ही राष्ट्रवादी पक्ष चर्चेत आलेत...
स्वतः जयंत पाटील यांनी मात्र ईश्वरपूरच्या नगराध्यक्षपदाबाबत मुख्यमंत्र्यांची भेट घेतल्याचं स्पष्टीकरण दिलंय...
यावेळी पटेल आणि तटकरेंशी भेट झाल्याचं वृत्तही जयंत पाटलांनी फेटाळून लावलं...
ठाकरेंचे सहा खासदार फुटण्यापूर्वी संपूर्ण मौन बाळगणारे उपमुख्यमंत्री एकनाथ शिंदे यांनी...
आता जयंत पाटील ईश्वरपूरच्या मुद्द्यावर आपल्यालाही भेटले होते, असं सांगत चर्चेला पूर्णविराम देण्याचा प्रयत्न केलाय...
तर योग्य वेळी तुम्हाला काय आहे ते समजेल, असं सांगत पंकजा मुंडेंनी गूढ अधिकच वाढवलं...