Digital Arrest : एका फोनवर ५८ कोटी गेले, 'डिजिटल अरेस्ट'चा नवा फंडा Special Report

मुंबईत (Mumbai) एका वृद्ध दाम्पत्याला 'डिजिटल अरेस्ट' (Digital Arrest) करून तब्बल ५८ कोटी रुपयांना फसवल्याची धक्कादायक घटना समोर आली आहे. शेअर मार्केटमध्ये (Share Market) झालेल्या नफ्याची रक्कम मनी लाँड्रिंगची (Money Laundering) असल्याचे सांगत सायबर चोरांनी ही फसवणूक केली. 'जो पैसा तुम्हाला मिळाला आहे तो मनी लाँडरिंगचा पैसा आहे', असे सांगून भामट्यांनी ED अधिकारी असल्याचे भासवत या दाम्पत्याला धमकावले. पीडित दाम्पत्याच्या १८ खात्यांमधून ५८ कोटी १३ लाख रुपये गायब झाले. यानंतर पीडितांनी पोलिसांत धाव घेतली असता, पोलिसांनी तपास करत तिघांना अटक केली आहे. पोलिसांनी नागरिकांना आवाहन केले आहे की, 'डिजिटल अरेस्ट' नावाचा कोणताही प्रकार अस्तित्वात नाही आणि कोणत्याही सरकारी यंत्रणेकडून फोनवर पैशांची मागणी केली जात नाही. अशा कोणत्याही संशयास्पद कॉलवर विश्वास न ठेवता तात्काळ सायबर क्राईम हेल्पलाइन १९३० वर संपर्क साधावा, असेही स्पष्ट करण्यात आले आहे.