Vaccine : मुंबईत हॉटेलच्या पॅकेजेसमध्ये लसीकरणाची ऑफर, महापौर किशोरी पेडणेकर 'द ललित'मध्ये दाखल

मुंबई : मागील काही दिवसांपासून देशभरात कोरोना लसीकरण मोहिम हाती घेण्यात आली. पण, मुंबईसह अनेक ठिकाणी लसींच्या तुटवड्यामुळे लसीकरण मोहिमेत अडथळे आले. अशातच मोठ्या हॉटेल्सच्या लसीकरण पॅकेजनं सर्वांच्या भुवया उंचावल्या. काही हॉटेल्सकडून आपल्या विशेष पॅकेजमध्ये कोरोना लसही दिली जात होती, अशा प्रकारे लस देणाऱ्यांवर कारवाई करा असे निर्देश केंद्र सरकारने केंद्रशासित प्रदेश आणि राज्यांना दिले आहेत. पॅकेजेसमध्ये लसीकरणाची ऑफर देणं म्हणजे नियमांचं उल्लंघन आहे, त्यामुळे अशा हॉटेल्सनी हे तातडीने थांबवावं असे निर्देश केंद्रानं दिले आहेत.