ST Bank Rada : एसटी बँक बैठकीत तुफान राडा, संचालक एकमेकांना भिडले Special Report

मुंबईतील एसटी कोऑपरेटिव्ह बँकेच्या (ST Cooperative Bank) संचालक मंडळाच्या बैठकीत मोठा राडा झाला, ज्यात गुणरत्न सदावर्ते (Gunratna Sadavarte) गट आणि शिवसेनेच्या आनंदराव अडसूळ (Anandrao Adsul) गटाचे संचालक एकमेकांशी भिडले. शिंदे-अडसूळ गटाने आरोप केला आहे की, 'सदावर्ते यांच्या गटाच्या संचालकांनी आमच्या महिला कर्मचाऱ्यांसोबत 'अश्लील वर्तन' केले'. या हाणामारीत शिंदे गटाचे चार ते पाच संचालक जखमी झाले आहेत. दोन्ही गटांनी एकमेकांवर बाहेरून माणसे आणून हल्ला केल्याचा आणि भ्रष्टाचाराचा आरोप केला आहे. सदावर्ते गटावर हल्ला पूर्वनियोजित असल्याचा आरोपही करण्यात आला आहे, तर सदावर्ते गट भाजपच्या जवळचा असल्याचे आणि अडसूळ शिंदे सेनेचे नेते असल्याने सत्ताधारी पक्षांशी संबंधित गटांमधील या संघर्षामुळे बँकेच्या भवितव्यावर प्रश्नचिन्ह निर्माण झाले आहे. या घटनेनंतर दोन्ही गटांनी नागपाडा पोलीस ठाण्यात एकमेकांविरोधात तक्रारी दाखल केल्या आहेत.