Dance Bar : चार डान्स बारचे ऑर्केस्ट्राचे परवाने रद्द, एबीपी माझाची Big Breaking , Big Impact

नवी मुंबईत कोरोना संकटातही सुरु असलेले सहा डान्स बार आणि त्यापैकी काही बारमधल्या सेक्सच्या बाजाराचं धक्कादायक वास्तव एबीपी माझाचा प्रतिनिधी दीपेश त्रिपाठीच्या स्टिंग ऑपरेशननं राज्यासमोर आणलं. त्याची दखल आज राज्याच्या विधीमंडळातही घेण्यात आली. विधानसभेतील विरोधी पक्षनेते देवेंद्र फडणवीस यांनी एबीपी माझाच्या स्टिंग ऑपरेशनचा हवाला देऊन नवी मुंबईत सुरु असलेल्या डान्स बारविषयी प्रश्न उपस्थित केला. मग राज्याच्या गृहमंत्री दिलीप वळसे पाटील यांनी एबीपी माझाच्या बातमीची दखल घेऊन कारवाईची माहिती दिली. नवी मुंबईतल्या सहाही डान्सबारवर गुन्हे दाखल करण्यात आले आहेत.