पंढरपूर : लॉकडाऊनमुळे मुलाला क्रिकेट खेळता येईना, वडिलांनी पाच एकर शेतात उभारलं क्रिकेटचं मैदान

हौसेला मोल नाही म्हणतात याची अनेक उदाहरणे आपण समाजात नेहमीच पाहत असतो मात्र पोराच्या क्रिकेट प्रेमासाठी बापाने शेतातील पाच एकरावरील द्राक्ष बाग उपसून तेथे राष्ट्रीय दर्जाचे क्रिकेट ग्राउंड बनविले आहे. ग्रामीण भागातील पोरात टॅलेंट आहे मात्र त्यांना सुविधा मिळत नसल्याने ते मागे पडतात अशी धारणा असलेले पंढरपूर तालुक्यातील ठेकेदार बाळासाहेब सूर्यवंशी यांनी अनवली येथील आपल्या शेतात हे ग्राउंड बनविले आहे.