Sanbhajinagar District Bank Election : जिल्हा बँक निवडणुकीत घराणेशाहीची एन्ट्री? नेत्यांच्या नातलगांचीच चर्चा | ABP Majha

कोणतीही निवडणूक आली, की सर्वच पक्षांमधून आधी पुढे येतात ती स्वतः नेत्यांची नावं नाहीतर मग त्यांच्या नातलगांची... आधी लोकसभा, विधानसभा निवडणुकांपुरतं असलेली ही घराणेशाही आता अगदी छोट्याछोट्या निवडणुकांपर्यंत झिरपत चाललीये... छत्रपती संभाजीनगर जिल्हा सहकारी बँकेची आगामी निवडणूक हे त्याचं मूर्तीमंत उदाहरण... 

शेतकऱ्यांसाठी आणि ग्रामीण अर्थव्यवस्थेसाठी अत्यंत महत्त्वाची संस्था म्हणजे जिल्हा बँक...

मात्र संभाजीनगरच्या जिल्हा बँकेवर सर्वपक्षीय नेतेमंडळी आणि त्यांच्या नातलगांचं इतकं अतिक्रमण झालंय... 

की ही बँक सामान्य कार्यकर्ते, शेतकरी आणि सभासदांच्या आवाक्याबाहेर गेल्याचं चित्र आहे..

संजय शिरसाट हे स्वतः आमदार, मंत्री आणि पालकमंत्री आहेत... 

त्यांची दोन्ही मुलं नगरसेवक आहेत... 

असं असतानाही जिल्हा बँक निवडणुकीत स्वतः शिरसाट आणि त्यांच्या मुलीनं अर्ज भरलाय... 

अब्दुल सत्तार स्वतः आमदार आहेत... 

त्यांचे एक चिरंजीव सिल्लोड नगरपरिषदेचे अध्यक्ष आणि दुसरे चिरंजीव जिल्हा परिषद सदस्य आहेत. 

आता जिल्हा बँकेच्या निवडणुकीत त्यांच्या मुलानं अर्ज भरलाय... 

शिवसेना खासदार संदिपान भुमरे दिल्लीत जिल्ह्याचं प्रतिनिधित्व करतायत... 

त्यांचा मुलगा आमदार आहे, पुतण्या जिल्हा परिषद सदस्य आहे... 

तरीही जिल्हा बँकेत मुलगा बिनविरोध निवडून आला असून भावाचाही अर्ज दाखल झालाय...

मंत्री अतुल सावे तसंच रमेश बोरनारे, संजना जाधव, अनुराधा चव्हाण, अंबादास दानवे हे आमदार निवडणुकीच्या रिंगणात आहेत...

कारण पक्षासाठी रात्रंदिवस झटणारा कार्यकर्ता आजही झेंडे उचलतोय... सतरंजी टाकतोय... बॅनर लावतोय... सभा भरवतोय...

मात्र पदं वाटायची वेळ आली की पुढे येतात तीच घराणी... मुलगा... मुलगी... भाऊ... पत्नी... सून...